Монгол Улсын импортын тээвэрлэлтийг оновчтой, шуурхай зохион байгуулж улс оронд тулгарч буй бараа бүтээгдэхүүний хангалтын асуудлыг шийдвэрлэх, БНХАУ-ын Тяньжин боомтод хуримтлагдсан ачааг богино хугацаанд Монгол улс руу татах, урсгалыг нэмэгдүүлэх зорилгоор БНХАУ-ын төмөр замын вагон хангамжийн төлөвлөгөөгөө нэмэгдүүлж байгаатай уялдуулан УБТЗ хоногт авах галт тэрэгнийхээ тоог мөн нэмэгдүүлж байна.
Иймд УБТЗ-ын хувь нийлүүлсэн нийгэмлэгийн зүгээс Улаанбаатар хот дахь терминалуудын ачааллыг жигд хуваарилах, УБ өртөөн дэх ачааны ялгалтад зориулсан хугацааг багасгах, ингэснээр вагон эргэлтийг нэмэгдүүлэх, шуурхай ажиллах үүднээс Улсын урд хилээр орж ирэх ачаатай вагон, чингэлгүүдийг Улаанбаатарт терминал харгалзахгүй буулгах шийдвэр гаргасан бөгөөд уг шийдвэр 2022 оны 5-р сарын 6-аас эхлэн түр хугацаанд хэрэгжихээр болсоныг мэдэгдэж байна.
Энэхүү шийдвэртэй холбоотойгоор гаалийн байгууллага, терминалууд мөн уртасгасан цагаар ажиллах юм.
Эрхэм үйлчлүүлэгч та бүхнийг импортын тээвэрлэлтийн гацааг гаргахад чиглэгдсэн дээрхи арга хэмжээний улмаас үүссэн уг нөхцөл байдлыг ойлгон хамтран ажиллана гэж итгэж байна.
