Туушин ХХК-ийн хөрөнгө оруулалттай "Монгол тээвэр нэгдэл ХХК ", "Үндэсний тээврийн Корпораци ХХК" компаниуд хамтран Улсын онцгой комиссод 10 сая төгрөгийн мөнгөн хандив өргөлөө.
Дэлхий дахинд өргөн хүрээнд тархаж байгаа шинэ коронавирусын (Covid-19) халдвараас Монгол Улсын иргэн бүрийг хамгаалахын төлөө улс даяар урьдчилан сэргийлэх үйл ажиллагааг амжилттай зохион байгуулан өндөржүүлсэн бэлэн байдалд ажиллаж байгаа ЭМЯ, ХӨСҮТ-ийн нийт эмч, сувилагч, албан хаагч нарт Туушин компаний хамт олон талархал илэрхийлж, гучин сая төгрөгийн мөнгөн хандив өргөлөө.
Туушин компани нь энэхүү аяныг санаачилсан бөгөөд Монголын Тээвэр Зуучлагчдын Нэгдсэн Холбооны гишүүн байгууллагууд санал нэгтэйгээр дэмжиж, БНХАУ-д корона вирусийн халдварт өвчинтэй тэмцэхэд дэмжлэг үзүүлэх зорилгоор N95 маскийг хамгийн хүнд, хэцүү нөхцөлд ажиллаж байгаа эмч нар, бусад албан хаагч, иргэдэд хүргэхийг хүсэн БНХАУ-ын ЭСЯ-ны Улс төрийн зөвлөх Ли Яньжуньд хүлээлгэн өглөө.
МҮХАҮТ-ийн санаачилсан БНХАУ-д корона вирусний халдварт өвчинтэй тэмцэхэд дэмжлэг үзүүлэхээр эхлүүлсэн хандивын аянд бид нэгдлээ.
